|
Indicion (sic) segunda de la casa llamada Ce Acatl tiene trece años y tres olimpiades en la 1ª casa donde esta la mano se descubrio esta tierra; en la 2ª casa entraron los Españoles en ella, en la tercera ganaron á México, en la 4ª comenzaron a edificar á México; en la sesta vinieron los 12 frailes.
Huexotzinca, Chalca, Xochimilca, Cuitlahuaca, Malinalca, Chichimeca, Tepaneca, Matlatzinca, Ompa huallaque quinchuayan. Nican icuiluhtica in ompahuallaque in Mexica initocayocan Aztlan. Ca anepantla in ompa huallehuaque ca nauhcalpoltin. Auh inic huallamacchuayan Acaltica in quihualtemaya inimacxoyauh in oncan quizque chicuecalpoltin. Inic cencalpoltin, Huexotzinca: inic oncalpoltin, Chalca: iniquecalpotlin, Xochimilca: inic nauhcalpoltin, Cuitlahuaca: inic macuilcapoltin. Mallinalca, inic chicuacencalpotlin, Chichimeca: inic chiconcalpoltin, Tepaneca: inic chicuelcalpoltin Matlatzinca. In ocnan onocan in Colhuacan oncanchaneque catca inic hualpanoque in aztlan oncan quinhuallantiquizque in Colhuacan inoquimitlaque in chaneque niman oquilhuique in Azteca. Totecuiyohuanecanammohuica matamechtohuiquilican. Niman oquitoque in chicuecalpoltlin, camototecuiyohuane catamech tohuiquilzique. Auh niman quitoque in Azteca, ca ye qualli matamechtohuiquilican in Colhuacan quinoncan quihuallantiquizque in DIABLO in oquimoteotiaya in Huitzillopochtli in huallaque ce cihuatl itoca Chimalma ompa quihualhuicaque in Aztlan nauhcan hualquiztiaque inic hualnenenque. Ce tecpatl xihuitl in huallehuaque in Colhuacan nahuintin in quihualmamaque in Diablo, icetlacatl itoca. Quauh , Apan, Tezca, Chimal, Quauhcohuatl, inic ome Apanecatl, iniquey itoca Tezcacohuacatl, inic nahui, itoca Chimalman. Inoacico in quahuitl, niman oncanomotlallique cenca tomahuac in quahuitl, niman onca contlallique in tlamomoztli ipan quitlallique in Diablo Inocontlallique niman concuique inimihtac. Auh niman ye tlaquazquia in nima impan poztec in quahuitl niman ic quiacauhque in quiquaya cenca huecauhtica in totolloticatca. Auh niman icquinnotz in DIABLO quimilhui. Xiquinnahuatican inamech huica in chicuecalpoltin xiquimilhuican. Camotiazque zan nican titocuepazque inoquimilhuique cenca tlaocoxque in yehuantin in chicuecalpotlin. Totecuiyohuane campan tiazque catamechtohuiquilia, niman occepa oquimilhuique, cuamocazaan yazque, nimanicatto hualpeuhque in chicuecalpoltin, ompaqui moncauhque in quahuitlitzintlan huecauhtica in ompa catca zatepan inohualpeuhque inotlica impan oacico in tlatlacatecollo huey comitlitlan huehuetztoque, ihuan cequintin mizquitl itzintlahuehuetzoque yehuantin in quintocayotia mimixcohua in cetlacatl itoca Xiuhneltzin, inic ome, itoca mimitztin, iniquey incihuatl in hueltiuh occeppa oncan oquinnotz in DIABLO in Huitzillopochtli quimilhui. Xiquimonanacan in huey comitl in tlancate yehuantin ya cachtitequitizque.
Auh caniman oncan oquincuepilli inin toca in Azteca oquimilhui. In axcan aocmo amotoca in Amazteca yeam Mexica, oncan oquinnacazpotonique inicoquicuique inin toca in Mexica, ihuian oncan oquimacac in mitl, ihuan tlahuitolli, ihuan chicatli in tlein acayauh huelquimia in Mexica, ihuan oncan oquimacac in mitl, ihuan tlahuitolli iuhan chicatli in tlein acayauh huelquimina in Mexica, ompa quizaco in cuextecatl ichocayan ihuan in cohuatl icuonac ipan in ome calli xihuitl. Onca ceppa impan molpi in xihuitl in cohuatlycamc cohuatepetl icpac huetz in tlequahuitl inpa in Ome acatl xihuitl. In niman hualmiquanique in Tellan in Mexica. Inipan acatli cempohual xiutique in oncan Tollan in Mexica. Auh niman iconmiquanique in Atlitlalacyan in Mexica. Oncan matlac xiuhtique ozce in Atlitlalacyan in Mexica. Auh niman iconmiquanique in Tlemoca in Mexica. Inipan acatli ipan macuilxiuhtique in Tlemaco in Mexica. Icomiquanique in Atotonilco in Mexica. Ipan nauhxiutique in Mexica in Atotonilco. 4 tecpatl xihuitl iconmiquanique in Apazco in Mexica. Ome acatl xihuitl ic oncan ipan molpi in xihuitl in Mexica in Apazco icpac huetz tlequahuitl initoca Huitzcotl. 3 tecpatl xihuitl iconmiquanique in Tzompanco in Mexica. 6 acatl xihuitl ipan nauhxiuhtique in Tzompanco in Mexica. 7 tecpatl xihuitl inconmiquanique in Xaltocan in Mexica. 10 Acatl xihuitl ipan nauhxiuhtiquen in oncan Xaltocan in Mexica. 11 tecpatl xihuitl niman icomniquanique in Acalhuacan in Mexica. 1 acatl xihuitl ipan nauhxiuhtique in oncan Acalhuacan in Mexica. Ome tecpatl xihuitl iniconmiquanique in Hecatepec in Mexica. 5 Acatl xihuitl ipan nauhxiuhtique in Hecatepec in Mexica. 6 tecpatl xihuitl iniconmiquanique in Tolpetlac in Mexica. 13 acatl xihuitl ipan chicuexiuhtique in Mexican onca Tolpetlac. 1 tecpatl xihuitl, auh niman iconmiquanique in Cohuatitlan in Mexica. 7 acatl xihuitl ipan cempohual xiuhtique in oncan Cohuatitlan in Mexica. Auh niman canato in Chalco in metl. Auh caoc quihuallichictiaque oc oncan quihuallitiaque inoctli in Mexica Cohuatitlan. 8 tecpatl xihutl iconmiquanique in Huixachtitlan in Mexica. 11 acatl xihuitl ipan nauhxiutique in Huixachtitlan in Mexica. Auh niman iconmiquanique inTecpayocan in Mexica. Ipan nauhxiuhtique in onca Tecpayocan onca impan mochiuh in yaoyahualoloque onca micque initoca Tecpatzin, ihuan Huitzilihuitzin, no yehuatl in Tetepantzin. Onca impa molpi in xihuitl icpac huetztlaquahuitl in Tecpayo. 3. tecpatl xihuitl iconmiquanique in Pantitlan in Mexican. 6. acatl xihuitl ipan nauhxiuhtique in Pantitlan in Mexica onca impa moman in Cocoliztli inin nacayo mochi tzatzayan. 7. tecpatl xihuitl iconmiquanique in Amallinalpan in Mexica in ompa Azcapotzalco. 1. acatl xihuitl, ipan chicuexiuhtique in onca Amallinalpan ipan tlatohua ni Tezozomoctli in Azapotzalco. 2. tecpatl xihuitl iconmiquanique in Pantitlan in Mexica. 5. acatl xihuitl ipan nauhxiutique in Pantitlan in Mexica. 6. tecpatl xihuitl iconmiquanique in Acolnahuac in Mexica. 9. acatl xihuitl, ipan nauhxiutique in oncan Acolnahuac in Mexica. 10. tecpatl xihuitl iconmiquanique in Popotlan in Mexica. 13. Acatl xihuitl ipan nauhxiuhtique in Popotlan in Mexica. 1 tecpatl xihuitl iconmiquanique in Techcatitlan in Mexica. Ome calli xihuitl in motlato catlalli in Tenochtli. 4. acatl xihuitl ipan nauhxiuhtique in Techcatitlan in Mexica. 5. tecpatl xihuitl iconmiquanique in Atlacuihuayan in Mexica. 8. Acatl xihuitl ipan nauhxiuhtique in Atlacuihuayan in Mexica ocan quinextique in Atlatl ihuan mitl yequitocayotique in Atlacuihuayan in Mexica. Iniconmiquanique in Chapoltepec in Mexica. In Chapoltepec inic quinpeuhque Mexica conauhcampa huicalloque Tepaneca colhuaque inquinnamicque. In ocan in Chapoltepec cempohuatl xiuhtiquetlaco xiuhtica, in omniquanique in Acocolco, oncan yaoyahualoloque in Mexica, oncan temactlanque ipan motlalli in molpi xihuitl. Auh ca oncan quimoquentique in Amoxtli oncan quinhuicaque in Huitzillihuitl, nehuan ini ichpoch itoca Azcalxoch. Auh inihueltiuh itoca-Tozpanxoch huicalloc Ixtlahuacan za yehuantin in quinhuicaque in Colhuacan, zapepetlauhtiaque axtle intech huetztia. Auh in oncan tlatohuani in Colhuacan itoca Coxcuxtli in Huitzillihuitl ini ichpoch cenca quitlaocolti inatlemailta itech huetztia quilhui in tlatohuani. Maitlatzin xictlaocolli in ochpotzin tlatohuanic. Auh niman quilhui. Camonicia zan yuh yaz. Maitlatzin xictlacolli in ochpotzin tlatohuanic. Auh niman quito camonicia zanyuh yaz. Maitlatzin xictlaocolli in ochpotzin tlatohuanie auh niman quito caminicia zanyuh yaz. 3. tecpatl xihuitl iconmiquanique in Colhuacan in Mexica, ipan in Contitlan motecaque in oncan Tizaapan Colhuacan. 6. acatl xihuitl, ipan nauhxiuhtique in Contitlan onoca in Mexica in Colhuacan mazoihui in Contitlan onoca ca oncan mopilhuatitoca in Contitlan inipan acatli in moyaochiuhque in Colhuaque momamicque in Xochimilca iniquac ye quimohuitillia in Colhuaque, niman ye quitohua in tlatohuani in Coxcoxtli. In Mexica cuixayocaque mahualhuian Niman ye quintzatzilia niman ixpan oyaque in tlatohuani niman quimilhui. Tlaxihual huian in axcan techpehuazque in Xochimilca namechtequiuhtia cen xiquipilli in anquimacizque in amomalhuan yezque. Niman quitoque in Mexica, ca yequalli tlatohuanie moxtech motlaocolilichimal zoltzintli, ihuan maquauhzoltzintli. Niman quito in tlatohuani, camoticia zanyuh anyazque, auh in Mexica niman ye monahuatia quitotoque Tlein tiquit quizque: niman quitoque Mazozanti ite inic tiquinyatequizque in tomalahuan intla in nacaz tiquin tequilizque haquitozque hazonenecoc inoquin tequilique inin macamo yehuatl mayehuatl inin yac maictito xixiquipil quentizque inic tiquin pohuazque ha zan quemmach yac maicitito xixiquipil quentizque inic tiquin pohuazque ha zan quemmach yez. Niman omoxixiquipil quentique niman yeichui mihcalizque cequintin Acalticain in mihcalque oncan yaotecaque in Cohuapan ipan mochiuh in Colhuacan tlacateuhctli itoca Tetzitzilin in onacticac tlahuiztli amatlazohualhuipilli quimilhuia Mexicaye xinehnemican in yetlamallo, zan ye hetlamauh caitlachocaticac in quitohua Xinehnemican Mexicaye, niman acito inincaltenco in Xochimilca, niman ichualtaque in Mexica, niman ye tlapohuallo inin malhuan ixpan in tlatohuani in Coxcoxtli, niman ye quitohua in Mexica Tlatohuanie caye ixquichtin in tomalhuan canauh xiquipilli inotiquimacique. Auh niman quin hualnotz initahuan: niman ye quimilhuiya, camotlaca in Mexica queno quinchiuhque iniconiquintequiti cazaniconi quinquelloca. Cenca quin motetzahuique in Mexica. Auh in nahuintin zanoc hualyoltiaque inin malhuan. Amoquitlique in tlatohuani in Coxcoxtli niman ic quitlallique inin tlalmomoz in ompa Tizxapan inoquitlallique niman quilhuito in tlatohuani. In axcan tlatohuani in totlamomozmaitlatzin xitechmoyollotililican, niman quito in tlatohuani ca ye qualli oantlacnellique maquiyollotiti in tlamacazque Niman quin nahuatique in tlamacazque quimilhuiq. In axcan maxiquinyollotiliti cuitlatl, ihuan tzontli. Auh no yehuatl in poxaquatl, niman quiyollolito zan yohualtica.Auh niman quitoque in Mexica. Mazatiquitta can tle inotechyollotilique in totlalmomoz. Auh niman quittaque iniyollo. Auh inoquittaque ca cenca motlaocoltique in quittaque in cuitlatl oquinyollotillique inintlalmomozniman quixitinique in yehuantin Mexico in quiyollotique huitztli, ihuan acxoyatl. Auh inoyecauh niman quicohuanotzato in tlatohuani. Auh inohualla niman ye quimitta in quiniman quicohuanotzato in tlatohuani. Auh inohualla niman ye quimitta in quimictia inin malhuan inquimitta inipan tlaminictia, zan moch yehuatl in quetzallapanecayotl, ihuan xiuhchimalliquetzalpanitl inipan tlamictia yece camonelli cazanyuhquimitta. Ihuan icpac quitlazque in tlequahuitl ic quixiptlayotique inin xiuhmolpi in Chapoltepec in ayamoquitlazque inin tlequauh, iniquac yaoyahualloloque inyuhqui ic mochiuh zanic qualanque in yehuatl in Coxcoxtli quito. Aquiquein camotlaca xiquin totocacan. Niman ic quinhualtotocaque hualmiquanique nique in Acatzintitlan in Mexicatzinco acatlacuextica in hualpanoque tolmatlapan hualyehetiaque qui mintihuitze. Chicome tecpatl xihuitl, ipan ce xiuhtique in Mexicatzinco in Mexica. 8 Calli xihuitl, ic onmiquanique in Nexticpac in Mexica. 11 Tecpatl xihuitl ipan nauhxiuhtique in Mexica in oncan Nextipac. 12 Calli inic on miquanique in Iztacalco in Mexica. 13 tochtli, ipan iconxiuhtique in Mexica in oncan Iztacalco, oncan quichiuhque in Amaltepetl ce yohuatl in quicuicatique oncan quicuique uhque in tlacateccatl Colhuacan itoca Tetzitzillin queuhque Tetzitzillintzin Tetzitzillintzin amatlacolo cheopan chocaticac, &. 1 Acatl xihuitl inic on miquanique in Zoquipan inipan in ce acatl xihuitl ce oncan mixiuh inin cihuahuan in Mexica oncan in Zoquipan. Auh niman ic quichiuhque inin Temazcal in oncan Temazcaltitlan in ye oncan cate, niman oncan omotenque oncan onehuaque in tlatemoto, ic chicuhcnauhpohuatl xihuitl on caxtolli ozcs in nenenque. Ompa omic in Axollohua ca oquillaquique inompa inotiquittaque Acanepantla in mani Tenochtli ihicpac icac in Quauhtli, ihuan initapazol itzintlan mani inipechpech zamoh nepapantlazoihuitl ihuan in atl yuquin matlallayotl in oncan oquillaquique in Axollohuan. Ino ontlanonotz in Quauhcohuatl zanimoztlayoc in quizato in Axollohua, niman ye quimilhuia ini icnihuan caoniquitlato in tlalloc ca onech notzcaquitohua, caoacico in nopiltzin in Huitzilopochtli ca nican ichanyez cayehuatl ontlazotiz inic tinemizque in Tlaltipac catonehuan. Auh inoquimon nonotzque niman ic yaque intlachicto in Tenochtli inoquittaque, niman ye tlachpana initzintla in tenochtli oncan contlallique in tlalmomoxtli, in xomihhmitl mahahuiltito in ompa quinamicque in Colhuacan tlacateccatl, niman quihualhualhuicaque zan yoyoltia inihitic contlallique inintlalmomoz quiyollotiqur in tlacateccatl initoca Chichilquahuitl Colhuacan tlacateccatl. Inipan xihuitl inquitlallique in tlalmomoz ome tecpatl xihuitl.
Iniquac in oacico in Chichimeca in Colhuacan Chichimeca iniquac inotlachichiuhque in tenochtli itzintlan caza oc toloxacaltzintli inin xacaltzin in oncan mochantique. Auh caniman ic compehualtique in yemo tlatlamallia. Auh in quinyahuallotoque in tlalhuactli ipan in huallachia catlapopotzticate. Auh in quinyahuallotoque in tlalhuactli ipan in huallachia catlapopotzicate. Auh cayuhquin tzoyac chuatoc in quihuallinecuica miyec ic miquia, ihuan popozahuaya. Auh miyecpa ic quinpehuaz nequia ahuel mochihuaya. Centzinti in tlatocayotl Acamapichtli ce tecpatl xihuitl ic motlatocatlalli. 20 xihuitl. Nican miquico in Acamapichtli. I come tlatohuani niman ic omotlalli in Huitzilihuitl. Nican molpi in toxiuh ic macuilpamopia, ihuan nican temoque Chapolme. Nican miquico in Huitzilihuitl. Iquey tlatohuani niman iconmotlalli in Chimalpopoca yehuatl ipan ya in tepanecayotl. Nican mic in Chimalpopoca quihuicaque in Tepaneca. Niman ic onmotlalli in Itzcohuatzin ic nahui tlatohuani. Nican quihualtzacq in Quauhnahuaca ce tecpatl xihuitl. Nican poliuhque in Quauhnahuaca inoquimonpeuhque ce xiuhtique niman ye tlacallaquia ichan in Itzcohuatzin zan on xihuitl. Nican miquico in Itzcohuatzin. 11. Tochtlil ipan motlalli in Ilhuicaminatzin huhue Motecuhczoma ic macuilli tlatohuani. napoualxiuitl Nican tlachapol qualoc temoque chapolme, iquac mayanaloc. Nican ce huechililoc in toctli oncan peuh inic mayanaloc. Nican in necetochhuilloc quauhtica ne anoc iquac in nototonacahuilloc. Nican molpi in toxiuh ic chicuaceppa molpia, ihuan iquac inaca aocmo conmomaca initlamatzohual ça itic actoc in momiquili Tzopilome quinquaque oacac quintocaya. Inipan Calli xihuitl moquetzaco in quiyahuitl cenca tlamochiuh nohuian in tlapanco mochiuh tonacayotl in canin chiton oncan mochiuh inchie in nauhtli in etl. macnilpoualxiuitl Nican poliuhque in Chalca. Nican poliuhque Cuetlaxteca. Nican miquico in Ilhuicaminatzin, niman ic omotlalli in Axayacatzin ic omotlalli in Axayacatzin ic chicuacen tlatohuani, ihuan iquac poliuhque Xochitlantlaca. Nican poliuhque in Tlatiloca amohuecauh in quimonpeuh Axayacatzin camoquichnenequia in Moquihuix nehuan in teconel in tlacayehuatl Quaquauhtzin zanimpan tlatoca huel popolihuizquia. Nican tlallolin cenca miyec in tepetl huihuiton mochipa pachiuh in calli. Nican poliuhque Ocuilteca. Nican poliuhque Icpatepeca. Nican poliuhque Calliy manyan tlaca Matlatzinca ompaqui cocolizcuitique in Axayacatzin itoca tlilcuezpal in quimetzhuitec xiquipilco ychan. Nican qualloc in tonatiuh mochi nezque in cicitlaltin iquac mic in Axayacatzin. Auh niman ic on motlalli in Tizocicatzin ic chicome tlatohuani. Izquitetzomaque inicalcatca Huitzillopochtli. Nican motlatocatlalli in Ahuitzotzin ic chicuey tlatohuani. Nican momamal in teocalli in camomamal Tziuhcohuaca, Mazateca iquac yancuican motlatocatla llique Quauhnahuaca, Tepozteca, Huaxtepeca Xiloxochitepeca ic nahualtepetl. Nican tlallolin iquac monexti in moyohuallitohua, Fantasma que apareció, que Torquemada la llama Toyohualitohua (Tomo 1º pág. 186). Nican teciuh mochi micque in mimichtin in atlanonoque. Nican tlachapol qualloc temoque chapolme. Nican tlallolin cenca totocac mochitzatzayan in tlalli. Nican poliuhque Xochitlantlaca. Nican poliuhque Amaxteca iquac miquito Huexotzinco Tlacahuepantzin. Nican moquetz Acuecuexatl xilloti in toctli apachiuh zanquitla in Ahuizotzin amo qui macaya in Tzotzomatzin Coyohuacan tlatohuani ic quicallali amo tehuan tequipano in tepanecatl ic qui mictizquia in Tzotzumatzin. Nican tetatacoto Mallinalco inaquin amoyamiyec tlacatl in quitzauhctia. Nican miquico in Ahuitzotzin Auh niman ic on motlalli in Moteuhczomatzin ic chiuhcnahui tlatohuani. Nican occeppa tetatacoto in Mallinalco. Nican acico in Cacahuatl. Nican temoc Tzitzimitl. Nican poliuhque Zozullantlaca. Nican molpi in toxiuh ic chicoppa molpia in ixquichica huallehuaque in Aztlan in Mexica. Nican temoque tlacahuillome. Nican in tetzahuitl hualmoquequetzaya iquac temoc temimilli Texihuacan iquac huallehuaque in Xptianome inic quin moyollotillito teo, inic nican aciquihui. Auh ca icpac huallala cuillohuaya in teocalli. Nican poliuhque Icpatepeca, ihuan Ixquixochitepeca. Nican poliuhque Tlachquiyauhcotlaca. Nican teuhtli moquetz ic mayanalloc. Nican iquexpa tetatacoto in Mallinalco, iquac hualcallacque in tetlanenque Huexotzinca nahuallachieco. Nican miquico in Moteuhczomatzin ihuan iquac acico in Marques. Iniquac quinpeuhque in Mexica in Xptianome camozan nen huallaque caitencopatzinco in toteo caquimonahuatilli in Sancto-pe quimolhuilli Xiquia nahuatican in cauallelosme occentetl tlalli ipan yazque inic acico in nucan 12 Frayles. Inipan micque inahuiyanime Iuchpochhuan yezquia in Moteuhczomatzin quitoque in Xptianome huallazque cihuayehuantin in mochpochhuan. Quito in Moteuhczomatzin. Tlaquican in Mexica. Inipan acico Castillantlaca ye cempohualli on macuilli de noviembre, ipan quecholli oquiuh matlaquilhuitl tacizque in Quecholli niman ic hualmoma in Diciembreע. . Atemoztli tititl Izcalli. ע. Quahuitlehua Xillopehualiztli. Tonzoztontli, Hueytozoztli. Toxcatl. Inipan in Toxcatl inaquoquizaya in Diablo quin mictique in Cuicoyanohuaya inic peuh in cuicoyanoliztli, zan quitla in Moteuhczoma quilhui in Malintzin Tlaquimocaquiti in teotl caotonacico inilhuiuh in toteouuh ca axcan matlaquilhuitl. Auh inin azaocteconquixtia ca tlemataizque cazan tititotizique iniquac in ye quitlecahuia in tzohualli tecallicahuacazque ca zan ye ixquich. Auh niman quito in CAPITAN ca ye qualli maquichihuazque ca zan oniccac. Niman icompeuhque quimillochtito in occequintin huallaca CASTILLANTLA, zayehuatl inTonatiuh mocauhtia. Auh iniquac in oacito inintlapohualpan niman ye quitohua in Mocteuhezuma. Tlaquicaquican ininantzitzinhuan caizcatqui. Quiniquilhui in teotl caotacico inilhuiuh ipan in toteouh catoconilhuiquixtilizque. Niman quito xicchihuacan in axcan quentonyezque, niman quitoque in pipitlin. Tlaquinhualnotzacan in tiachcahuan auh ino onyaque niman ye quin nahuatia quimilhuia. Cenca oc ye toconana inyuh mochihuani auh quitoque in tiachcahuan Mzanchicahuac mana. Niman quito inecatzin tlacateccatl Tlaxin mocaquiltican in tlacatle tixpanca inyuh mochiuh in Chollolan in zan quincaltzacque in axcan manoyu techiuhti macecentecpantli chimalli totlapiel mochiua. Niman quito in Mocteuhczuma: Cuixtoyaopan in ticate momotelchihua, niman quito in tlacateccatl, ca yequalli. Niman ye ic pehua in Cuicatl inteyacana telpoch tequihua tezacatl conaquia itoca tolnahuacatl quatlazol quatlazol inopeuh cuicatl niman ye ic cecenyacahualquiza in XPTIANOME tetlan quiquiza niman ic nanahuintin momamanato in quixohuayan, nimac ic contlacohuitequito in teyacana cetlacatl, quiyacahuitecque inixptla DIABLO; niman qui mon mahuihtequito in tlatzotzonaya; ca ontetl inin huehueuh centatl atempa qui tzotzonaya niman ye nequequetzallo yeicopolioua, niman ce tlecatl tlenamacac acatl iyacapan hualiztia tzatzihuitz quitotihuitz. Mexicaye tleamoyaocac yolloquimati aquique inin macmanimalchimalli. Iniquauh zan ac xoyaquahuiti inoquittaque niman ye moteptztica yuhquin za mototupeuhtiaque niman ic o mocatlzacque. Inipan caltzauhcticatca. Etzalqualiztli cempohualtica, ipan Etzalqualiztli inichtacahuat quizinitlatol in Moteuhczoma quimilhui in tiachcahuan. Tlaquicaquican in Mexica caye omilhuitl in atlequiqua inimazahuan in teteo otlatlan in tolcuextli in quinqualtia. Auh in axcan ye ontetl in comontihuetzi. Auh inin maoc moxonexcaltican in tiachcahuan ma amotipoliuhti ca in nezca in tachcahuan. Niman quitoque ca ye qualli, niman ye monahuatia zan yo hualtica in callaquia in mazatlaqualli. Auh niman hualla in CAPITAN iquac in ye no chicomilhuitl ipan necallihuac ipan in yaque Tlaxcallan in Tecuilhuitontli iquac in yaque Tlaxcallan in Tecuilhuitontli iquac iquac mic in Moctezuma ino on mic niman qui hualmamaltique initoca Apanecatl, niman opan quihuicac in huitzllin zan ye ompa quihualtocaque yenoye ompa quihuicac I Necatitlan zan ye ompa quihualmimique yenoye ompa qui huicac in Tecpantzingo, zan no quihualtocaque yenoceppa quihuicac in acatl iyacapan quin ye ompacanque quito in Apanecatl. Totecuiyohuane in Mocteuhezoma cuix nicmamatinemiz, niman quitoque in pipiltin. Xoconanacan, niman quimontequiuhtque in Calpixque niman quitlatique. Niman Hueeytecuilhuitl Tlaxochimaco Xocotlhuetzin, Ochpaniztli, in on motlatocatlalli in Cuitlahuatzin, niman ye Quecholli, ipan mic in Cuitlahuatzin. Panquetzaliztli, niman ye Atemoztli Tititl Izcalli atlcahuallo: inipan on motlatocatlalli in Quauhtemoctzin. Tlacaxipehualiztli inquimonpeuh Chalca, ihuan Xocotitlantlaca, niman quittaque tehuan mohuahuanque. Tozoztontli, ipan in micque pipiltin. Tzihuacpopoca; Xoxupehualloc, Tzihuactzin, Tencuecuenotl. Axyaca, Totlehuicol. Inic micque Tzihuacpopoca quin nahuati in Queuhtemoc amantla tlenamacac quimilhui. In taichcahua ye omilhuitl in notlan hual cecemilhuitia in Tzhuacpopoca mitlanechaiti. Niman quitoque in Tiachcahuan macaquimoyolli tlacalhui in tlacoculizcuitiz maticcahuacan mayauh. Niman ye monahuatia in tlamacazque no yehuantin in tiachcahuan intemictzique, niman ye quitetemohua in oquittaque mohuetzquillitihui in Quauhtemoctzin, niman iquech tlancacato quilhuia Oc xihualla on niccauhtze. Niman ye quihuihuitetequi Hueytozoztli, niman ye Toxcatl, Etzalqualiztli ipan intech cempohualtique in XPTLANOME Tecuilhuitontli, Hueytecuilhuitl, niman ye Miccailhuitontli. Ic napohualtonatiuh inicaxihuac Mexicayotl Tenochayotl. Icto. Tlatohuani Ochpaniztli In on motlatocatlalli Cuitlahuatzin, zan napohualilhuitl tlalocat Quecholli tlami inipan mic totomonaliztli, inicomic iquac yaque in Tlaxcalla CASTILLANtlaca. Ic 11. in tlatohuani ipan in motlato catlalli Quauhtemoctzin, ihuan oncan moyahuac in Mexicayotl Tenochcayotl iqua hualcencalacque in Españoles.
|